حرص المطرب رامي جمال التعليق على الخلافات والمشادات التي حدثت مؤخرا بين المطربين، وذلك من خلال منشور عبر حسابه الشخصي على موقع التواصل الاجتماعي فيسبوك.

رامي جمال للمطربين: الدنيا صعبة فسهلوها على بعض

وكتب رامي جمال في منشوره الذي يرصده موقع تحيا مصر: أنا محبش اكون رقم في الفن أنا احب اكون رامي جمال احب اكون علامه بعد ما اقرر ابطل او ازهق او عمري يخلص مبحبش المقارنات ولا عاوزها وعاوز كل الناس ناجحين دي مش مثاليه دي ثقه ان رزقي هو رزقي سواء نجحتوا او لا مفيش حد بياخد حاجه من رزق حد الفن رصيد جايز مكونش وصلت لسه للي بحلم بيه بس اشكر ربي علي كل اللي وصلتله ولسه عشمان فيه اكتر.

رامي جمال: بعتذر لأي شخص زعلته

وتابع رامي جمال: وبشكر كل حد ساعدني بحب او فن بشكر الصناع والشركات اللي اشتغلت معاهم وبعتذر من اي شخص أنا زعلته او ضايقته ب قصد او غير قصد أنا انسان وممكن اكون غلطت وبغلط المهم وربنا العالم ان قلبي مفيهوش غير حب للناس اللي قريبه والله والبعيده بتعرض كتير لإحباط بس دايما ثقتي في ربنا وحظي ورزقي في حب من اللي حواليا وستر كبير بيخلوني ارجع واتشحن طاقه تاني بحاول قد ما اقدر اجتهد واجاهد نفسي اني اعمل سيره حلوه عشان ده اللي باقي.

واضاف: بس المشكله ان الفتره اللي احنا عايشينها دي اما بتتكلم وحش عن حد كده بتبقي ماده اعلاميه دسمه وده عمري ما هعملوا اخيرا أنا بحبكم جدا اصحاب واهل وجمهور وشكرا أنا عاوز اعيش في سلام وحب وكفايه الدنيا الصعبه ف سهلوها علي بعض.

رامي جمال يعلن طرح أغنية نومي مخاصمني

وسبق وأن أعلن الفنان رامي جمال عن استعداده لطرح أولى أغنيات ألبومه الغنائي الجديد وذلك في مساء يوم الجمعة الماضي والموافق 13 من شهر أكتوبر المنقضي ومن المقرر أن تأتي بعنوان نومي متخاصمني.

ونشر رامي جمال بوستر أغنية نومي مخاصمني وذلك عبر حسابه الرسمي بموقع تبادل الصور والفيديوهات انستجرام، في منشور رصده موقع تحيا مصر وعلق عليه، قائلا: قولت اغير مودكم ب اغنيه من اجمل الاغاني اللي سمعتها في حياتي وعد هتشغلوها كتير وربنا يعينكم عليا ميعادنا الجمعه ان شاء الله الساعه ٥.