أكدت نجاح محمود صابر الحاصلة على لقب الأم المثالية بمحافظة الجيزة، أنها تتحمل مسؤوليات الحياة من بعد وفاته والدها حيث توفى وسنها 8 سنوات، قائلة: "أول ما توفى والدي مكنش في دخل واضطرت والدتي تشتغل في مستشفى وأنا كنت بخلي بالي من أخواتي ولما والدتي تعبت أنا كنت بساعد معاها".

وأضافت نجاح محمود، خلال لقاء ببرنامج "أسعد لحظة"، المذاع على قناة الناس، أنها لم تعيش طفولتها وبدأت في تربية أخواتها الصغار من سن الرضاعة وبعدها بدأت تساعد والدتها في الشغل، قائلة: "كانت بتجيب حاجات وتبيعها وكنت بنزل معاها وفضلت انزل معاها لسن 15 سنة وبعدين قالوا لى أنتى كبرتي فقعدوني".

وتابعت: "اتجوزت وسني 19 سنة وأخواتي كانوا كبروا بيشتغلوا وكنت بساعد معاهم وأراعيهم بعد فترة زواجي وأختى الصغيرة بعدين كانت قاعدة مع والدتي واللي كان بيضايقني أسلوب الناس والنظرة ونظرة العطف كانت بضايق الواحد وكنت بحس بحنية ربنا ويساعدني ويعينني".

وأشارت إلى أن زوجها كان راجل "أرزقي" ويعمل مكوجي، متابعة: "الدنيا في الشتاء كانت بتبقى مريحة معاه ودي كانت أصعب فترة وكنا بنحتاج فلوس ومكنش في دخل ثابت، وبدأت شغلي في عام 2014 وكان زوجي مريض قوي ومش بيقدر يتحرك وكنت براعي أولادي وأبنائي الاثنين كانوا بيتعلموا ويشتغلوا وكنت اهتم بتعليمهم وأسعد لحظاتنا ساعة ما عيل ينجح ويجيب نتيجته".